هانا: رۆژی چوارشەممە ٢٤ی خاکەلێوەی ١٤٠١ – (١٣ی ئاپریلی ٢٠٢٢)، کرێکارێکی خەڵکی ئاوایی “بڵبەر” لە ناوچەی هەورامان بە هۆی رووداوی شوێنی کار لە مەریوان گیانی لەدەستدا.
ناسنامەی ئەم شارۆمەندە کوردە "وەلی ئەزەغ" کوری عەلی راگەیەندراوە. شایانی باسە ناوبراو خێزاندار و نیشتەجێی مەریوان بووە.
ئەم کرێکارە بە هۆی نەبوونی ئەمنییەتی شوێنی کار لە کاتی کاشیکاریدا لە سەر داربەستەوە کەوتووەتەخوار و بەداخەوە گیانی لەدەستداوە.