هانا: رۆژی پێنجشەممە ٢٥ی سەرماوەزی ١٤٠٠ – (١٦ی دیسەمبری ٢٠٢١)، سێ شارۆمەندی کورد بە دانانی بارمتە ئازاد کران.
بەپێی راپۆرتی هاوکارانی هانا، ناسنامەی ئەم شارۆمەندانە "محەممە ئەحمەدی"، "ئیدریس بەهرامیان" و "فەرید درەخشانی" راگەیەندراوە.
بەپێی ئەم راپۆرتە، رۆژی شەممە ٢٢ی گەڵاڕێزانی ئەمساڵ ئەم سێ شارۆمەندە لەلایەن هێزە ئەمنییەکانی حکومەتی ئیسلامی ئێرانەوە بە بێ بەڵگە و بڕیاری یاسایی دەستبەسەر و رەوانەی بەندیخانەی مەریوان کرابوون.
شایانی باسە ئەم شارۆمەندانە بە دانای بارمتەی قورس و هەر کامەیان ٥٠٠ میلیۆن تمەن بە شێوەی کاتی لە بەندیخانەی مەریوان ئازاد کراون.