هانا: بەپێی راپۆرتی هاوکارانی هانا، رۆژی پێنجشەممە ٥ی رەشەممەی ١٤٠٠ – (٢٤ی فێبرواری ٢٠٢٢)، شەعبان محەممەدی مامۆستای کورد لە بەندیخانەی مەریوان بە دانانی بارمتەی ٥٠٠ میلیۆن تمەن بە شێوەی کاتی ئازاد کراوە.
شەعبان محەممەدی ئەندامی یەکێتی مامۆستایانی کوردستان – مەریوانە کە رێکەوتی ٣٠ی ژانوییەی ٢٠٢٢ لەلایەن هێزە ئەمنییەکانەوە دەستبەسەر کرابوو.
شایانی باسە ناوبراو لە ماوەی بەندکرانیدا هەر جۆرە مافێکی سەرەتایی و ئینسانی وەک چاوپێکەوتنی بنەماڵە و مافی پارێزەری لێ زەوت کراوە.