هانا: رۆژی دووشەممە ١٦ی خاکەلێوەی ١٤٠٠ – (٥ی ئاوریلی ٢٠٢١)، کچێکی تازەلاوی ١٦ ساڵان خەڵکی مهاباد دەستی دایە خۆکوژی.
ناسنامەی ئەم شارۆمەندە کورد "شەرارە عەلیپوور" کچی ئازۆر عەلیپوور و سوهەیلا حیسامی، خەڵکی مهاباد راگەیەندراوە.
ناوبراو بە هۆی کێشە و گیروگرفتی کۆمەڵایەتی و بنەماڵەیی خۆی هەڵاوەسیوە و لە ئاکامدا گیانی لەدەستداوە.
کێشەی ئابووری و هەژاری، نەخۆشی دەروونی، گوشاری فەرهەنگی، گیروگرفتی سیاسی و گوشارە کۆمەڵایەتییەکان لە هۆکارە باوەکانی خۆکوژین لە کۆمەڵگای ئێران و رادەی خۆکوژی لە کوردستان لە بەشەکانی دیکەی ئێران زیاترە.
ئەم بارودۆخەی ئێستا دەکری بە ناکارامەیی بەڕێوەبەران و بەرپرسان هەژمار بکرێ و پێشێلکردنی ئاشکرای مادەکانی ٢٢ و ٢٥ی جاڕنامەی جیهانی مافەکانی مرۆڤە.