هانا: لە ماوەی چەند رۆژی رابردوودا ٥ شارۆمەندی کوردی خەڵکی شنۆ لە لایەن ناوەندە ئەمنییەکانی کۆماری ئیسلامییەوە دەسبەسەر کراون.
ناسنامەی ئەو پێنج شارۆمەندە کوردە بەم جۆرەی راگەیەندراوە: "هادی خالیدزادە، عیسا، عەلی و ئەبووبەکری حەسەن‌پوور، خەڵکی ئاوایی "کانییەڕەش" و "مراد رە ئاورد" خەڵکی ئاوایی "قەڵاتیانی" شنۆ راگەیەندراوە.
شایانی باسە ئەم پێنج شارۆمەندە لە رۆژی سێشەممە ٣ی خاکەلێوەی ١٤٠٠ – (٢٣ی مارسی ٢٠٢١)، دوای ٣ رۆژ لێپێچینەوە ئازاد کراون. ئەم شارۆمەندانە بە تۆمەتی بەڕێوەبردنی رێوڕەسمی نەورۆز گیراون.
بەڕێوەبردنی رێوڕەسمی نەورۆز یا بۆنە و جێژنە میژووییەکان و دەربڕین شادی لە سەرەتاییترین مافەکانی مرۆڤن و پێشێلکاردنیان بە مانای پێشێل کردنی ئەو مافە سەرەتاییانەیە کە لە جاڕنامەی گەردوونی مافەکانی مرۆڤ و زۆربەری گەڵاڵە و پسندکراوە مرۆییەکانی جیهان رێزی لێ دەگیرێ بەڵام لە ئێران لە لایەن حکومەتەوە ئەم پێشێلکارییە دەکرێ.