هانا: رۆژی چوارشەممە ١١ی جۆزەردانی ١٤٠١-(١ی ژوئەنی ٢٠٢٢)، دیسان دادگای سەقز عوسمان ئیسماعیلی چالاکی کرێکاری داوا کردووەتەوە.
بەپێی ئەم راپۆرتە، ناوبراو بە تۆمەتی "هاندانی بیروڕای گشتی و پڕۆپاگەندە دژی نیزامی ئیسلامی" بانگ کراوەتە دادگای "ئینقلاب"ی سەقز.
شایانی باسە عوسمان ئیسماعیلی رۆژی ١٠ی گوڵانی ئەمسال لە بەشی قەرەنتینەی بەندیخانەی ناوەندیی سەقز بە تۆمەتی "هاندانی بیروڕای گشتی و پڕۆپاگەندە دژی نیزامی ئیسلامی" بەند کرابوو. پاشان بە دانانی بارمتەی ١٤٠ میلیۆن تمەن بە شێوەی کاتی ئازاد کرابوو.