هانا: شارۆمەندێکی کورد خەڵکی نەغەدە سزای ٤٠ ساڵ زیندان و دوورخستنەوەی بۆ بەندیخانەی ورمێ بە سەردا سەپا.
ناسنامەی ئەم شارۆمەندە کوردە "سەید محەممەد حسێنی" خەڵکی نەغەدە راگەیەندراوە. ناوبراو بە تۆمەتی ئەندامەتی لە حزبێکی کوردستان دژی حکومەتی ئیسلامی ئێران بە "محاربە" تاوانبار کراوە و لقی یەکی دادگای ئینقلاب لە مهاباد ٤٠ ساڵ زیندان و دوورخستنەوەشی بۆ بەندیخانەی ناوەندیی ورمێ بۆ بڕیوەتەوە.