هانا: بە پێی سەرچاوەکانی هەواڵ مامۆستایەکی ئایینی کورد بە تۆمەتی تەبلیغ دژی نیزامی دەسەڵاتداری ئێران، حوکمی ٣ ساڵ زیندانی بۆ بڕایەوە.
ناسنامەی ئەو مامۆستایە "رەسووڵ حەمزە پوور" خەڵکی ئاوایی "خراپە" و مەلا و پێشنوێژی مزگەوتی گوندی "ئەندێزێ" لە ناوچەی پیرانشار راگەیەندراوە.
بە پێی سەرچاوە ئاگادارەکان، ئەو حوکمە لە لایەن دادگای روحانییەتی ورمێ و تۆمەتەکەشی تەبلیغ لە دژی کۆماری ئیسلامی راگەیەندراوە.
جیاوازی فکری و ئایینی، هەڵسووڕانی سیاسی و هەوڵ و چالاکی بۆ دەستەبەر کردنی مافەکان لە سەرەتاییترین مافەکانی مرۆڤە کە لە ئێران تاوانە و سزای قورسی هەیە.