رۆژی دووشەممە ١١ی رەشەمەی ٩٩ بەرامبەر بە ١ی مارسی ٢٠٢١، دوو شارۆمەندی کورد لە لایەن هێزە ئەمنییەتییەکانەوە لە سەقز دەستبەسەر کران.
بە پێی راپۆرتی کوردپا، ناسنامەی ئەو دوو شارۆمەندە کوردە بەم جۆرەیە: "سۆران موعیندووست" کوڕی رەحیم و "ئەهوەن فرووزان" کوڕی ئیبراهیم خەڵکی ئاوایی "گەورەقەڵا" لە ناوچەی سەرشیوی سەقز. شایانی باسە ئەم ٢ شارۆمەندە بە بێ هیچ بەڵگەیەکی یاسایی گیراون و بنەماڵەکانیشیان لە شوێنی دسبەسەرکران و چارەنووسیان ئاگادار نین.
لە داهاتوودا لە ئەگەری گەیشتنی وردەکاریی پتر لە سەر بارودۆخی ئەم دوو شارۆمەندە، ئاگادارتان دەکەیەنەوە.