هانا؛ ڕۆژی پێنجشەممە ڕێکەوتی (٥ی ئاگۆستی٢٠٢١) تەرمی کۆڵبەرێکی کورد بە ناوی “محەممەدڕەزا ڕۆستەمی” کە گەورەی عەشیرەی قەڵخانیە لە نێوان سنووری ئێران و عێراق دۆزراوەتەوە.
محەممەدڕەزا ڕۆستەمی تەمەن ٥٠ساڵە و باوکی دوو کچ و خەڵکی ئاوایی قەلخان و دانێشتووی شاڕۆچکەی زارعی سەربە ناوچەی حەلوانی سەرپێڵی زەهاوە و بەپێی ئەم هەواڵە کاتی دۆزێنەوەی تەرمەکەی، شوێنی لێدان و ئەشکەنجە بەسەر جەستەیەوە بووە.