بەپێی هەواڵی گەیشتوو بە ڕێکخراوی مافی مرۆڤی هانا: سەرلەبەیانی رۆژی سێشەممە ٢٧ی دیسەمبری ٢٠٢٢، سەربازێکی کورد بە ناوی “ئارمین پوورمەند” کوڕی حەسەن و خەڵکی گوندی “ئاغچەقاڵ” لە ناوچەی سۆمابرادۆستی ورمێ، لە یەکێک لە سەربازگەکانی کۆماری ئیسلامی لە شاری سەلماس بە هەڵواسینی هەوڵی خۆکوشتنی دا و کۆتایی بە ژیانی خۆی هێنا.
ئەم سەرچاوە ئاگادارە زیادی کرد: ناوبراو تووشی خەمۆکی بووە، کە لە ماوەی چەند مانگی ڕابردوودا لەلایەن پزیشکانەوە پشتڕاست کراوەتەوە.
شایەنی باسە تەرمی ئەم هاوڵاتیە گەیەندراوەتە پزیشکی دادوەری.
سیستەمی سەربازی لە سیستەمی کۆماری ئیسلامی ئێران بۆ پیاوانی سەروو ١٨ ساڵ ئیجبارییە و ئەگەر کارتی خزمەتی سەربازییان نەبێت ئەوا سوودمەند نابن لە ئاسانکاری و بەڵگەنامە سەرەتاییەکان بۆ هاووڵاتیان، وەک پاسپۆرت، مۆڵەتی بازرگانی، یان کارکردن لە فەرمانگە حکومییەکان و هتد.
بە هۆی دۆخی ئابوری و نەبوونی هەلی کار و ئەمنییەتی کار و هەروەها نزمی ئاستی ئاسودەی کۆمەڵگا و نەبوونی ئومێد بە داهاتوو، زۆرێک لە کێشە دەروونی و دەروونییەکانی کۆمەڵگا گرتوەتەبەر. کە هەموو ڕۆژێک شاهیدی ناڕەزایەتی جەماوەری و نافەرمانی مەدەنی و بەتایبەت کۆتایی هێنان بە ژیان لە کوردستان و شارە جوگرافیایەکانی تری ئێران دەبین.