بەپێی ڕاپۆرتی سەرچاوەیەکی ئاگادار لە ڕێکخراوی مافی مرۆڤی هانا؛لەماوەی ڕۆژانی ڕابردوودا هاووڵاتییەک بە ناوی”حەسەن وەیسی”، کوڕی مەلا ئەحمەد خەڵکی ئاوای “دێ سۆرخ وەلدبەیگی” و دانیشتووی شاری کرماشان، لە کاتی کارکردندا بەهۆی کەوتنەخوارەوە لە دارەوە بە سەختی لە ناوچەی سەر و گەدەی بریندار بووە و ئێستا لە بەشی (ICU) لە ژێر چاودێری تایبەت دایە.
بە پێی ئەم سەرچاوەیە، حەسەن وەیسی منداڵێکی کەمئەندامی هەیە.
پێویستە ئاماژەی پێبکرێت؛ هەژاری و بێکاری دیاردەی کرێکارانی کۆچبەر لە کوردستان زیاتر کردووە و سەرەڕای نەبوونی کەرستەی ئەمنیی کار لە کوردستانی عێراق، کرێکاران بە حەقدەستی کەم سەرقاڵی کاری قورسن و بەهۆی ئەم ماندوێتی و نەبوونی ئەمنیەوە، تووشی ڕووداوی شێونی کار دەبن ، و سەرەڕای ئەمەش بیمەی کار بۆ ئەم کرێکارانە لەبەرچاو ناگیرێت