هاوکارانی هانا لە بانەوە ئاگاداریان کردین، رۆژی سێشەممە ٢٦ی گەلاوێژی ١٤٠٠ – (١٧ی ئاگۆستی ٢٠٢١)، هێزە چەکدارەکانی حکومەتی ئیسلامی ئێران لە سنووری “سەرتەزێن”ی ناوچەی بانە، تەقەیان لە کاروانێکی کۆڵبەران کردووە و ٤ کۆڵبەر بریندار بوون.
ناسنامەی ئەم چوار شارۆمەندە بەم جۆرەیە:
١ عەبدوڵڵا بەیاندەرە
٢ رەحیم بژی
٣ خەلیل زۆراو
٤ فەریدوون محەممەدزادە
ئەم رووداوە دەوری کاتژمێر ١٩ی رۆژی سێشەممە رووداوە. شایانی باسی هەر لەم رۆژەدا دەستیان بە سەر ٣٠ ئەسپدا گرتووە و ٤ ئەسپیشیان کوشتووە.
هاوکارانی هانا لە درێژەی ئەم راپۆرتەدا رایانگەیاند، هەر ئەو رۆژە واتە سێشەممە ٢٦ی گەلاوێژ هێزەکانی حکومەتی ئێران لە هەنگی سەر سنوور لە بارخانەی ئاواییەکانی "سەرتەزێن، شەڵمان و نەنوور" دەستیان بە سەر باری ١٦ ماشێندا گرتووە.