هانا: رۆژی سێشەممە ١ی پووشپەڕی ١٤٠٠ – (٢٢ی ژوئەنی ٢٠٢١)، بە هۆی تەقینەوەی مین لە ناوچە سنوورییەکانی بانە سەربازێک کوژرا.
ناسنامەی ئەم سەربازە "عەباس خەزایی" تەمەن ٢١ ساڵ و خەڵکی "توێسرکان" لە پارێزگای هەمەدان راگەیەندراوە.
بەپێی ئەو راپۆرتانەی گەیشتوون، ئەم سەربازە مینێکی لە نزیک پایەگای هەنگی سەر سنووری بانە دۆزیوەتەوە و لە کاتی گواستنەوەی مینەکە بۆ پایەگا، لە دەستیدا تەقیوەتەوە و بە خەستی برینداری کردووە.
شایانی باسە ناوبراو لە نەخۆشخانەی "وەلیعەسر"ی تاران بە هۆی قورس بوونی برینەکانییەوە گیانی لەدەستداوە.