هانا؛ شەوی چوارشەممە ٨ی ژوئەنی ٢٠٢٢، ” ساڵح نیکبەخت” پارێزەری مامۆستای بەند کراو”ئەسکەندەر لوتفی” بە دانانی نوسراوەیەک هەواڵی گواستنەوەی دڵگران کەری ئەم بەند کراوەی بۆ شارێکی نادیار بڵاو کردەوە.
نیکبەخت لە تویترەکەی وای نووسیوە: ئەسکەندەر لوتفی کە ۹ ڕۆژ پێش مانی لە خواردن گرتوە، لە مەریوانەوە بۆ شارێکی نادیار گوازراوەتەوە و گیانی لە مەترسیدایه.
ئەسکەندەر لوتفی لە ڕۆژی ۱ی مەی بە هۆی چالاکییە پیشەییەکانی هاوکات لەگەڵ مەسعود نیکخواە و شەعبان مەحەممەدی لە لایەن ناوەندە ئەمنییەکانەوە دەستبەسەر کراون. بە وتەی سەرچاوەکانی هانا، ئەم چالاکە پیشەیانە لە کاتی دەست بە سەر کردن بۆ وەرگرتنی دانپێدانانی ئازارو ئەشکەنجە کراون.