بە پێی راپۆرتی هاوکارانی رێکخراوی مافی مرۆڤی هانا : رۆژی دووشەممە 12 ی نوامبری 2023 ، پاش چەن ڕۆژ بێ ئاگایی لە بەر گوشاری دامودەزگا ئەمنیەکانی روانسەر ، لە کۆتایدا تەرمی “سەعید محەممەدی” لاوی خەڵکی روانسەر دۆزرایەوە .
تەرمی سەعید محەممەدی تەمەن 38 ساڵ ، پاش پێنج ڕۆژ بێسەروشوێن بوون لە شاخی "یەلوەر" لە نزیک گۆڕستانی شاری روانسەر دۆزرایەوە .
بەپێی ڕاپۆرتە بڵاو کراوەکان لە لایەن هاناوە ؛ ڕۆژی ٨ ی نوامبری ٢٠٢٣ ، سەعید محەممەدی لە روانسەر بێ سەروشوێن بووە و پاش بڵاو کردنەوەی ئاگاداری بنەماڵەکەی ڕووبەڕووی کاردانەوەی ئیدارەی ئیتڵاعات بوونەوە و سەرچاوەیکی نزیک لە بنەماڵەی سەعید محەممەدی ئیدارەی ئیتڵاعاتی بە بەرپرسی بێسەروشوێن کردنی منداڵەکەیان دەزانی .