بە پێی ڕاپۆرتی گەیشتوو بە رێکخراوی مافی مروڤی هانا: شارۆمەندێکی ژن بە ناوی شەیدا عەزیزی خەڵکی شاری سنە کە پێشتر لە لایەن هێزە ئەمنییەکانەوە دەستبەسەر کرابوو لە لایەن لقی یەکەمی دادگای شۆڕشی ئەم شارەوە بە تۆمەتی “کردەوە لە دژی ئاسایشی نەتەوەیی لە ڕێگای ئەندامیەت لە یەکێک لە حزبە کوردستانیەکانی ئۆپۆزۆسیۆنی حکومەتی ئێران” سزای سێ ساڵ بەندکرانی تەعزیری بە سەردا سەپێندراوە.
بە گوتەی سەرچاوەیەکی ئاگادار، شەیدا عەزیزی لە ئێستادا بەندی کانونی ئیسڵاح و تەربیەتی سنە ڕاگیراوە.
شایانی باسە شەیدا عەزیزی لە جەریانی ڕووداوەکانی پەیوەندیدار بە شەڕی ١٢ ڕۆژەی ئێران و ئیسرال لە سنە دەستبەسەر کرا و دوای چەندین کاژێر لێپرسینەوە لە گرتنگەی ئیدارەی ئیتڵاعاتی سنەوە بۆ بەندی ژنانی کانونی ئیسڵاح و تەربیەتی سنە ڕاگوێزرا.