ڕێکخراوی مافی مرۆڤی هانا زانیویەتی کە ڕۆژی چوارشەممە ۲ی ڕەزبەری ۱٤۰٤، ( ۲٥ی سپتەمبری ۲۰۲٥ ) محەمەد هوشمەند کوڕی عومەر و خەڵکی ئاوایی دەرەتفێی سەر بە شاری مەریوان، لە لایەن دادگای گشتی و ئینقلابی مەریوان بە سەرۆکایەتی دادوەر “ڕۆحی” بە تۆمەتی “ئەندامێتی لە گروپە ئۆپۆزسیۆنەکان” بە یەک ساڵ بەندکران مەحکوم کرا و لە حوکمەکەی ئاگادار کرایەوە.
بە گوێرەی زانیاریەکانی هانا، لێکۆڵینەوە لە دۆسیەی محەمەد هۆشمەند پێشتر لە ۱٦ی خەرمانانی ۱٤۰٤، ( ۷ی سپتەمبری ۲۰۲٥ ) لە دادگای ئینقلابی مەریوان لە کۆبوونەوەیەکی یەک خولەکی و بە بێ ئامادە بوونی پارێزەری داکۆکیکار و بە بێ دەرفەتی بەرگری لە خۆی ئەنجام دراوە.
ناوبراو پێشتر شەوی هەینی ۲۷ی گوڵانی ۱٤۰٤، لە لایەن هێزە ئەمنییەکانەوە دەستبەسەر و لە ۲٨ی جۆزەردانی ۱٤۰٤، لە گرتووخانەی شەهرامفەری سنە، بە دانانی بارمتە بە شێوەی کاتی ئازاد کرابوو.