بە پێی ئەو ڕاپۆرتانەی کە بە رێکخراوی مافی مرۆڤی هانا گەیشتووە: سەر لە بەیانی ئەمڕۆ یەکشەممە ٩ی خەرمانانی ١٤٠٤، (٣١ی ئوتی ٢٠٢٥) سزای سێدارەی زیندانیەک بە ناوی “ئەکبەر عەباسپور” کوڕی سەیفەدین، خەڵکی مەراغە و دانیشتوویی شاری بانە، لە زیندانی ناوەندی سنە جێبەجێ کراوە.
بە پێی ئەم ڕاپۆرتە؛ ئەم زیندانیە حەوت ساڵ لەمەوبەر بە تۆمەتی “کوشتنی بە ئانقەست”ی دوو برا دەستبەسەر و دواتر لە لایەن دەسەڵاتی دادوەری کۆماری ئیسلامی ئێرانەوە سزای سێدارەی بە سەردا سەپێندرابوو.
ئەکبەر عەباسپور باوکی منداڵێک بوو.