موئمن زەندکەریمی، لاوی تەمەن ۱٨ساڵی خەڵکی ئاوایی ماچکەی سەربە شاری دێولان و دانیشتوویی چوار ڕای گوڵشەنی سنە، لە ڕێکەوتی ۱۱ی خەزەڵوەری ۱٤۰۱، لە جەریانی ناڕەزایەتیە سەرتاسەریەکان بە قەتڵی حکومەتی ژینا ئەمینی لە سنە، لە مەودای نزیکەوە بە چەکی ساچمەیی لە لایەن هێزه سەرکوتگەرەکانی کۆماری ئیسلامی ئێرانەوە تەقەی لێکرا و لە کاتی ڕاگوێزانی بۆ نەخۆشخانەی تەوحیدی سنە بە هۆی خوێن بەربوونەوە گیانی لە دەستدا.
شایانی باسە، ئەم شارۆمەندە کاتێک بریندار بووە هێزە سەرکوتگەرەکان چەندین جار بە شەق لە سەر و چاویان داوە.
