سەید کەمال ئەحمەدپور، لاوی تەمەن ٣٤ ساڵ و خەڵکی مەهاباد، لە ۲٧ی خەزەڵوەری ١٤٠١ لە جەریانی ناڕەزایەتیە سەرتاسەریەکان دژی قەتڵی حکومەتی ژینا ئەمینی لە شەقامی “مەنبەع” لە مەهاباد بە تەقەی هێزە سەرکوتگەرەکانی کۆماری ئیسلامی ئێران فیشەک بەر دڵی کەوت و بە سەختی بریندار بوو و دوای ڕاگوێزانی بۆ نەخۆشخانە گیانی لەدەستدا.
سەید کەمال ئەحمەدپور خێزاندار و خاوەنی دوو منداڵ بوو.
شایانی باسە کە لە ڕاپۆرتی پزیشکی دادوەریدا هاتووە کە هۆکاری مەرگی سەید کەمال ئەحمەدپور بەرکەوتنی فیشەک بووە.