ئەفشین ئاشام لاوی تەمەن ٢٨ ساڵی خەڵکی ئاوایی “سۆرخەک سەنجابی” و دانیشتوویی گەرەکی پاڵیاوای قەسرشیرین، لە جەریانی ناڕەزایەتیە سەرتاسەریەکان بە قەتڵی حکومەتی ژینا ئەمینی لە رێکەوتی ٤ی خەزەڵوەری ١٤٠١، بە تەقەی ڕاستەوخۆی هێزە سەرکوتگەرەکانی کۆماری ئیسلامی ئێران و بەرکەوتنی فیشەک بە سینگ و سکی کوژرا.
هێزە سەرکوتگەرەکانی کۆماری ئیسلامی ئێران دوای کوشتنی ئەفشین ئاشام تەرمەکەیان ڕفاند و بردیان بۆ سوپای نەبی ئەکبەری کرماشان و دامەزراوە ئەمنییەکان بۆ تەسلیم کردنی تەرمەکەی بە بنەماڵەکەی داوای بارمتەی ٢٥٠ ملوێنییان کردبوو.
شایانی باسە ڕێورەسمی ئەسپەردە کردنی ئەفشین ئاشام لە رێکەوتی ٦ی خەزەڵوەری ١٤٠١، لە ئاوایی “سۆرخەک سەنجابی” سەر بە قەسرشیرین بە ئامادەبوونی خەڵک و وتنەوەی درووشمی ناڕەزایەتی بەڕێوەچوو.