بە گوێرەی زانیاریەکانی رێکخراوی مافی مرۆڤی هانا: لە ڕۆژانی ڕابردوو شارۆمەندێکی کورد بە ناوی یونس تەنهایی لە لایەن لقی یەکەمی دادگای شۆڕشی مەهاباد بە سەرۆکایەتی قازی “یاسر گوزلی” بە تۆمەتی “هاوکاری لەگەڵ یەکێک لە حزبە کوردستانیەکانی ئۆپۆزۆسیۆنی حکومەتی ئێران” بە ٢٠ مانگ و یەک ڕۆژ بەندکران سزا دراوە.
بە گوێرەی زانیاری سەرچاوەکانی هانا، سزاکە لە بەندیخانە جێبەجێ دەکرێت و شمولی یاسای کەمکردنەوەی سزا و گۆڕان بە رای باز ناکات.
ناوبراو لە کاتی دەستبەسەرکرانیەوە تا ئێستا لە مافی ئازادی کاتی بێبەش کراوە.
شایانی باسە یونس تەنهایی، خێزاندار و باوکی دوو منداڵ، خەڵکی ئاوایی “هەمزەئاوای”مەهاباد، لە مانگی جۆزەردانی ١٤٠٤، دەستبەسەر کرا و دوای کۆتایی هاتنی قۆناخەکانی لێپرسینەوە بۆ بەندیخانەی مەهاباد ڕاگوێزراوە.
ئەم شارۆمەندە پێشینەی دەستبەسەر کرانی هەیە.