بە پێی ڕاپۆرتی گەشتوو بە رێکخراوی مافی مرۆڤی هانا: لە ماوەی دوو ڕۆژی ڕابردوودا سێ بەندکراوی خەڵکی کرماشان و نوراوا، لە بەندیخانەکانی دیزڵاوا و قزڵحساری کەرەج لە سێدارە دراون.
بە گوێرەی زانیاری سەرچاوەکانی هانا، سەر لە بەیانی ئەمڕۆ چوارشەممە ١٦ی ڕەزبەری ١٤٠٤(٨ی ئۆکتۆبری ٢٠٢٥) سزای سێدارەی بەندکراوێک بە ناوی “میلاد یاری” خەڵکی نوراوا بە تۆمەتی ئەنجامدانی تاوانەکانی پەیوەندیدار بە “مادە هۆشبەرەکان” لە بەندیخانەی قزڵحساری کەرەج جێبەجێ کراوە.
هەروەها سەر لە بەیانی سێشەممە ١٥ی ڕەزبەری ١٤٠٤، سزای سێدارەی دوو بەندکراو بە ناوەکانی “قاسم سەجادی و ئەرسەلان خانی” خەڵکی کرماشان، لە بەندیخانەی دیزڵاوا جێبەجێ کراوە.
بە پێی زانیاریەکانی هانا، قاسم سەجادی و ئەرسەلان خانی، چوار ساڵ لەمەوبەر لە دۆسیەی جیاجیادا بە تۆمەتی ئەنجامدانی تاوانەکانی پەیوەندیدار بە “مادە هۆشبەرەکان” دەستبەسەر و دواتر لە لایەن دەسەڵاتی دادوەری کۆماری ئیسلای ئێرانەوە سزای سێدارەیان بە سەردا سەپێندراوە.