بە پێی ڕاپۆرتی گەیشتوو بە رێکخراوی مافی مرۆڤی هانا: ڕۆژی یەکشەممە ٢ی سەرماوەزی ١٤٠٤ (٢٣ی نۆڤەمبەری ٢٠٢٥) کرێکارێک بە ناوی پوریا شێخ پور کوڕی شاحوسێن، خەڵکی ئیسلاماوای غەرب(شاباد)ی سەر بە پارێزگای کرماشان، بە هۆی سوتاوی جەستەی لە ئەنجامی تەزوویی کارەباوە گیانی لە دەستداوە.
بە پێی ئەم ڕاپۆرتە، ئەم کرێکارە نزیکەی دوو هەفتە لەمەوبەر لە هەرێمی کوردستانی عێراق بە هۆی تەزوویی کارەباوە جەستەی توشی ٨٥٪ سوتاوی بووە.
شایانی باسە کە کرێکارانی کوردستانی ئێران بە هۆکارەکانی هەژاری و بێکاری ناچار دەبن بۆ کار کردن ڕوو لە هەرێمی کوردستانی عێراق بکەن و بە هۆی نەبوونی ئەمنیەتی شوێنی کار و هەروەها نەبوونی چاوەدێری بە گوێرەی پێویست، بەردەوام مەترسی گیانیان لە ئەنجامی ڕووداوی کار لە سەرە.