هانا زانیویەتی کە منداڵێکی تەمەن ١٤ ساڵ بە ناوی “زانا دارین بەرایی” خەڵکی ئاوایی قوچاقی دیواندەرە ، بە هۆی کەمترخەمی پزیشکی لە نەخۆشخانەی کەوسەری سنە ، گیانی لە دەستداوە .
ئەم منداڵە کە زانیاریەک لە سەر چارەنوسی دایک و باوکی بەردەست نیە و لە ژێر سەرپەرشتی مامیدا بووە ، ڕۆژی ڕابردوو لە جەریانی یاری فوتباڵ لە ئاوایی ئێسکی ڕانی شکاوە و بۆ نەخۆشخانە ڕاگوێزراوە ، بەڵام بە هۆکاری نادیار کە بە ئیلتیابی قورس ڕاگەینراوە ، دوای ئەنجامدرانی نەشتەرگەری نیشانەکانی ژیانی نەماوە و گیانی لە دەستداوە .
بە پێی لێکۆڵینەوەکانی هانا ، کەمترخەمی پزیشکی و پێڕانەگەیشتنی خێرا لەمبارە سەلمێنراوە و مامی ئەم منداڵە و باقی کەسوکارەکەی داوای لێکۆڵینەوە و وڵامدەر کردنی خێرای بەرپرسانی نەخۆشخانەکەیان کردووە .
شایانی باسە ، بەشی (ئاسایش) حەراسەتی نەخۆشخانە بە گوشار خستنە سەر بنەماڵەکە و هەڕەشە کردن لە کارمەندانی نەخۆشخانەکە هەوڵیانداوە ڕێگری لە بڵاو بوونەوەی ئەم هەواڵە بکەن .