بەپێی ڕاپۆرتی ڕێکخراوی مافی مرۆڤی هانا، ڕۆژی هەینی ۷ی خەرمانانی ١٤٠٤ (٢٩ی ئوتی ٢٠٢٥)، کرێکارێکی لاو بە ناوی “تالب برومەندی” کوڕی مۆمن خەڵکی شاری نۆدشە، لە کاتی کار لە یەکێک لە بیناکانی شاری هەولێر لە هەرێمی کوردستانی عراق بە هۆی بەربوونەوە لە بەرزایی گیانی لە دەستداوە.
بە پێی زانیاریەکانی سەرچاوەکانی هانا، تا ئێستا تەرمی تالب برومەند بۆ کوردستانی ئێران نەگوازراوەتەوە.
شایانی باسە کە کرێکارانی کوردستانی ئێران بە هۆکاری هەژاری و بێکاری ناچارن بۆ کارکردن ڕوو لە هەرێمی کوردستانی عراق بکەن و بە هۆی نەبوونی ئەمنیەتی کار و نەبوونی چاوەدێریی پێویست گیانیان مەترسی لە سەرە و بەردەوام تووشی زیان دەبن.