لە درێژەی شەپۆلی دەستبەسەر کردنەکان لە شاری شنۆ دوو شارۆمەندی تر لە لایەن دامودەزگا ئەمنییەکانەوە دەستبەسەر کران.
بە پێی ئەو ڕاپۆرتانەی کە بە رێکخراوی مافی مرۆڤی هانا گەیشتووە: ئەمڕۆ پێنجشەممە ١٣ی سەرماوەزی ١٤٠٤ (٤ی دیسامبری ٢٠٢٥) شارۆمەندێک بە ناوی حەسەن شادیخا خەڵکی ئاوایی “سینگان”ی سەر بە شاری شنۆ، لە لایەن هێزەکانی ئیدارەی ئیتڵاعاتەوە دەستبەسەر و بۆ شوێنێکی نادیار ڕاگوێزراوە.
هەروەها ڕۆژی چوارشەممە ١٢ی سەرماوەزی ١٤٠٤، شارۆمەندێک بە ناوی هێرش پەرنیا خەڵکی شاری نەغەدە و دانیشتووی ئاوایی “چشمەگوڵ”ی سەر بە شاری شنۆ، لە لایەن هێزە ئەمنییەکانەوە دەستبەسەر و بۆ شوێنێکی نادیار ڕاگوێزراوە.
شایانی باسە لە ماوەی دوو ڕۆژی ڕابردوودا تا ئێستا پێنج شارۆمەندی خەڵکی شنۆ لە لایەن دامودەزگا ئەمنییەکانەوە بە شێوەی سەرەڕۆیانە دەستبەسەر کراوە.