بە پێی ڕاپۆرتی گەیشتوو بە رێکخراوی مافی مرۆڤی هانا: ئەمڕۆ شەممە ٨ی سەرماوەزی ١٤٠٤ (٢٩ی نۆڤەمبەری ٢٠٢٥) بەندکراوێک بە ناوی فلیت خالدنژاد تەمەن ٥٧ ساڵ خەڵکی شنۆ و دانیشتووی ورمێ، بە مەبەستی جێبەجێ کرانی سزای سێدارە بۆ قەرەنتینەی بەندیخانەی ناوەندی ورمێ ڕاگوێزراوە.
بە گوێرەی زانیاری سەرچاوەکانی هانا، ناوبراو چوار ساڵ لەمەوبەر بە تۆمەتی کوشتنی بە ئانقەستی دوو شارۆمەند لە لایەن هێزە ئەمنییەکانەوە دەستبەسەر و دواتر لە لایەن دەسەڵاتی دادوەری کۆماری ئیسلامی ئێرانەوە سزای سێدارەی بە سەردا سەپێندراوە.