لە درێژەی شەپۆلی دەستبەسەر کردنە خۆسەرانەکان لە شارەکانی کوردستان لە لایەن هێزە ئەمنییەکانی کۆماری ئیسلامی ئێرانەوە سێ شارۆمەندی خەڵکی نەغەدە دەستبەسەر کران .
بە پێی ڕاپۆرتی گەیشتوو بە هانا : ئەمڕۆ پێنج شەممە “٢٧ی بەفرانباری ١٤٠٣” دوو شارۆمەند بە ناوەکانی “ئەیوب ئارمەند و محەمەدتاهیر ئەلیاسی” خەڵکی نەغەدە ، لە لایەن هێزە ئەمنییەکانەوە دەستبەسەر و بۆ شوێنێکی نادیار ڕاگوێزراون .
بە گوێرەی زانیاری سەرچاوەکانی هانا ؛ محەمەد تاهیرئەلیاسی بە شێوەی خۆسەرانە و بەبێ پێشکەشکردنی حوکمی دادگا لە لایەن هێزە ئەمنییەکانەوە لە ماڵەکەی خۆیی دەستبەسەر کراوە .
هەروەها ڕۆژی چوارشەممە “٢٦ی بەفرانباری ١٤٠٣” شارۆمەندێکی دیکە بە ناوی “مەسعود محەمەدپوور” خەڵکی نەغەدە لە لایەن هێزە ئەمنییەکانەوە دەستبەسەر و بۆ شوێنێکی نادیار ڕاگوێزراوە .
تا ساتی ئامادە کران و بڵاو بوونەوەی ئەم هەواڵە لە سەر هۆکاری دەستبەسەر کران و شوێنی ڕاگیرانی ئەم شارۆمەندانە هیچ جۆرە زانیاریەک بەردەست نیە .