بە پێی ئەو زانیاریانەی کە بە ڕێکخراوی مافی مرۆڤی هانا گەیشتووە؛ ڕێبین گۆرانی چالاکی ژینگە پارێز، کە لە هەڵمەتی کوژاندنەوەی ئاگر کەوتنەوەی بە ئانقەستی دارستانەکانی مەریوان لە ناوچەی هەنجیران توشی سووتاوی بوو بارودۆخی تەندروستی ناجێگیرە.
بە پێی ئەم ڕاپۆرتە؛ ناوبراو لە سەرەتای بریندار بوونی بۆ نەخۆشخانەی مەریوان ڕاگوێزرا بەڵام بە هۆی نالەبار بوونی دۆخی هەناسەدانی، چەن ڕۆژ دواتر ڕەوانەی نەخۆشخانەی تەوحیدی سنە کراوە.
سەرچاوەیەکی ئاگادار لە وتووێژ لەگەڵ هانا ڕایگەیاند، لە ئێستادا ڕێبین گۆرانی لە بەشی ICU ژمارە یەکی نەخۆشخانەی تەوحیدی سنە لە ژێر چاوەدێری چڕدایە.
شایانی باسە لەم ساڵانەدا، دارستانەکانی مەریوان وناوچەکانی دەوروبەری چەندین جار بە ئانقەست ئاگر دراون و زۆرێک لە چالاکانی ژینگە پارێز و شارۆمەندانی خۆبەخش هەوڵیان داوە پێش بەم ئاگرکەوتنەوە بگرن کە لە ئاکامدا برینداربوون یان گیانیان لەدەستداوە.