ئەمڕۆ سێشەممە ٤ی خەرمانانی ١٤٠٤، موحسێن حوسێن پەناهی یەکێک لە بریندارانی ڕووداوی ئاگرکەوتنەوە لە شاخی ئاویەر، دوای کۆتایی هاتنی پڕۆسەی دەرمانی، لە نەخۆشخانەی کەوسەری سنە تەرخیس کرا.
هەروەها لە ڕۆژانی ڕابردوودا موستەفا هەژبەری، یەکێکیتر لە بریندارانی ئەم ڕووداوە لە نەخۆشخانە تەرخیس کرابوو.
شایانی باسە موحسێن حوسێن پەناهی لەگەڵ موستەفا هەژبەری، خەبات ئەمینی، چیاکۆ یوسفی نژاد و حەمید مورادی ڕۆژی پێنجشەممە ٢ی گەلاوێژی ١٤٠٤، لە جەریانی کوژاندنەوەی ئاگری ئاویەر جەستەیان سوتابوو، کە لە ئەنجامی ئەم ئاگرە سێ کەس لەم چالاکانە گیانیان لە دەستدا.
ڕۆژی هەینی ٣ی گەلاوێژی ١٤٠٤، حەمید مورادی پارێزەر و بەرپرسی کۆمەڵەی ژینگەپارێزی “شنەی نۆژینی کوردستان” خەڵکی دیواندەرە و دانیشتووی سنە، سەر لە بەیانی یەکشەممە ٥ی گەلاوێژ چیاکۆ یوسفی نژاد ڕاهێنەر و قارەمانی پێشوو و ئەندامی تیمی میللی هونەرە ڕەزمییەکان ، خەڵکی سنە و ڕۆژی دووشەممە ٦ی گەلاوێژ خەبات ئەمینی بە هۆی قورسی برینەکانیانەوە لە نەخۆشخانەی کەوسەری سنە گیانیان لە دەستدا.