بە پێی ئەو ڕاپۆرتانەی بە رێکخراوی مافی مرۆڤی هانا گەیشتووە : لە ماوەی ڕۆژانی ڕابردوودا لانیکەم ١٠ کەس لە چالاکانی کرێکاری بۆ بەشی هەواڵگری ئیدارەی ئیتڵاعاتی سنە بانگ کراون و لێپرسینەوەیان لەگەڵدا کراوە .
ناسنامەی ئەم چالاکانە بۆ رێکخراوی مافی مرۆڤی هانا “ٚفەردین رەحیمی ، موحسێن حسێن پەناهی ، ئێقباڵ شەعبانی ، نامیق باباخانی ، مەجید مەجیدی ، غالب حوسێنی ، ئارمان سەلیمی ، قانع خاتری ، شەهریار ئۆسکویی و عەبدوڵڵا خەیرئابادی” خەڵکی سنە ، سەلمێنراوە .
بە گوێرەی زانیاری سەرچاوەکانی هانا ؛ ئەم کەسانە دوای بانگ کرانیان بۆ ئیدارەی ئیتڵاعاتی سنە و چەندین کاژێر لێپرسینەوە ، پێیان ڕاگەینراوە مافی بەشداریکردنیان لە هیچ ڕێورەسمێک و بڵاو کردنەوەی بابەتیان لە دژی نیزام نیە و هەروەها هەڕەشەی دەستبەسەر کردن و زیندانیکردنیان لێکراوە .