بە پێی ڕاپۆرتی ڕێکخراوی مافی مرۆڤی هانا؛ سێ شارۆمەندی کورد بە ناوی “ڕەشید فەقی زادە، ئومید ئیبراهیمی و یاسر شەریفیان” خەڵکی شنۆ، لە لایەن دادگای شۆڕشی ئەم شارە بە دە ساڵ زیندان سزا دراون.
بەپێی زانیاری سەرچاوەکانی هانا، یاسر شەریفی بە تۆمەتی “پڕوپاگەندە لە دژی نیزام، هەڵگرتنی چەکی جۆری تاپڕ، هاوکاری لەگەڵ یەکێک لە حیزبە کوردستانیەکانی ئۆپۆزسیۆنی حکومەتی ئێران” بە ٤ ساڵ زیندانیکردن سزا دراوە، ئومید ئیبراهیمی بە تۆمەتی “پڕوپاگەندە لە دژی نیزام، هەوڵدان لە دژی ئاسایشی نەتەوەیی و هاوکاری لەگەڵ یەکێک لە حزبە کوردستانیەکانی ئۆپۆزسیۆنی حکومەتی ئێران” بە ٥ ساڵ زیندان سزا دراوە و هەروەها ڕەشید فەقی زادە بە تۆمەتی “تێکدانی بیروڕای گشتی” بە ١ ساڵ زیندان سزا دراوە.
ڕۆژی چوارشەممە ١٧ی گوڵانی ١٤٠٤، سێ شارۆمەندی کورد بە ناوەکانی “ڕەشید فەقی زادە، یاسر شەریفیان و ئومید ئیبراهیمی” خەڵکی شنۆ، بە بێ بڕیاری دادوەر و بە شێوەی خۆسەرانە لە ماڵی خۆیان لە لایەن هێزە ئەمنییەکانەوە دەستبەسەر کران و دواتر لە ١٢ی جۆزەردان هەریەکەیان بە دانانی بارمتەی یەک ملیارد تمەنی لە زیندانی شنۆ ئازاد کرابوون.