بە پێی ئەو زانیاریانەی کە بە ڕێکخراوی مافی مرۆڤی هانا گەیشتووە؛ رۆژی چوارشەممە ۲۹ی گەلاوێژی۱۴۰۴، تینا دڵجو چالاکی مەدەنی و داکۆکیکاری مافی ژنان لە لایەن لقی سێهەمی دادگای شۆڕشی ڕەشت، بە تۆمەتی “پڕۆپاگەندە لە دژی حکومەت” سزای ساڵێک زیندانی تەعزیری بە سەردا سەپێندراوە وسزاکە لەم دواییانە پێی ڕاگەیندراوە.
شایانی باسە تینا دڵجو پێشتر لە ڕێکەوتی ۱۲ی بەفرانباری ۱۴۰۳، بۆ جێبەجێکرانی سزای حەوت مانگ زیندانی تەعزیری پەیوەست بە دۆسیەیەکیتر دەستبەسەر و بۆ زیندانی لاکانی ڕەشت ڕاگوێزرا و دوای تێپەڕ کردنی ماوەی سزاکەی لە مانگی گەلاوێژی ۱٤۰٤ ئازاد کرابوو.
ناوبراو، مامۆستای زانکۆ و دانیشتوویی گیلان، لە چالاکانی مەدەنی و داکۆکیکاری مافی ژنانە، کە پێشینەی چەندین جار دەستبەسەر کران و سزا درانی لە پەیوەندی لەگەڵ چالاکیە مەدەنیەکانی خۆیی هەیە.