بە پێی ئەو ڕاپۆرتانەی کە بە رێکخراوی مافی مرۆڤی هانا گەیشتووە : ڕۆژی هەینی ١٣ی پوشپەڕی ١٤٠٤، شارۆمەندێکی کورد بە ناوی ناسر زۆمۆڕۆدی ، تەمەن ٣٨ ساڵ ، خەڵکی ئیلام ، دوای بانگ کران بۆ لقی حەوتەمی لێکۆڵینەوەی دادسەرای گشتی و شۆڕشی ئەم شارە دەستبەسەر کراوە .
سەرچاوەسەکی ئاگادار لە گفتوگۆی لەگەڵ هانا وێڕای پشتڕاست کردنەوەی ئەم هەواڵە ڕایگەندووە کە ئەم شارۆمەندە تۆمەتی بێڕێزی بە پیرۆزیەکانی ئیسلام ، بێڕێزی بە ڕێبەر ، پڕوپاگەندە لە دژی نیزام و بڵاو کردنەوەی بابەتی ناڕاستی خراوەتە پاڵ و بە دەر کردنی بڕیاری دەستبەسەر کردنی کاتی بۆ ماوەی دوو مانگ بۆ گرتنگەیەکی ئەمنییەتی ڕاگوێزراوە و تا ئێستا شوێنی ڕاگیرانەکەی نادیارە .
بە وتەی ئەم سەرچاوەیە ، ناسر زۆمۆڕۆدی تا ئێستا هیچ پەیوەندیەکی تەلەفۆنی لەگەڵ بنەماڵەکەی نەبووە و لە مافی وەرگرتنی پارێزەر بێبەش کراوە .