بەپێی ڕاپۆرتی گەیشتوو بە ڕێکخراوی مافی مرۆڤی هانا: ڕۆژی سێشەممە ٧ی گەلاوێژی ١٤٠٤، شارۆمەندێکی کورد بە ناوی “ڕەحمان ئەسلانی” تەمەن ٦٣ ساڵ ، خەڵکی بۆکان، لە لایەن هێزە ئەمنییەکانەوە دەستبەسەر کراوە.
هانا زانیویەتی لە کاتی دەستبەسەر کرانی رەحمان ئەسلانی هێزە ئەمنییەکان دەستیان گرتووە بە سەر موبایلی ئەو و هاوسەرەکەیدا و لەگەڵ خۆیان بردوویانە .
بە پێی ئەو ڕاپۆرتانەی بە هانا گەیشتووە ؛ ئەم شارۆمەندە بە شێوەی خۆسەرانە لە ماڵەکەی لە لایەن هێزە ئەمنییەکانەوە دەستبەسەر کراوە .
تا ساتی بڵاو بوونەوەی ئەم هەواڵە لە سەر هۆکاری دەستبەسەر کران و شوێنی ڕاگیرانی ئەم شارۆمەندە هیچ زانیاریەک بەردەست نیە .