بە پێی ڕاپۆرتی گەیشتوو بە ڕێکخراوی مافی مرۆڤی هانا، ڕۆژی چوارشەممە ٥ی سەرماوەزی ۱٤۰٤ (۲٦ی نۆڤەمبەری ۲۰۲٥) شارۆمەندێک بە ناوی بەلال ئەحمەدی ئازەر، خەڵکی شاری نەڵۆسی سەر بە شنۆ، لە لایەن هێزە ئەمنییەکانەوە دەستبەسەر کراوە.
بە گوێرەی زانیاری سەرچاوەکانی هانا، هێزە ئەمنییەکان بە شێوەی سەرەڕۆیانە و بە بەکارهێنانی توندوتیژی هەڵیانکوتاوەتە سەر ماڵی ئەم شارۆمەندە کوردە و دوای پشکنینی ماڵەکەی دەستبەسەریان کردووە و دواتر بۆ شوێنێکی نادیار ڕایانگوێزاوە.
شایانی باسە، تا ساتی بڵاوبوونەوەی ئەم ڕاپۆرتە، هیچ زانیارییەک لە سەر هۆکاری دەستبەسەرکردن، تۆمەتە وەپاڵدراوەکان و شوێنی ڕاگرتنی بیلال ئەحمەدی ئازەر لەبەردەستدا نییە.