ڕێکخراوی مافی مرۆڤی هانا زانیویەتی کە سەر لە بەیانی سێشەممە ۱۱ی سەرماوەزی ۱٤۰٤ (۲ی دیسامبری ۲۰۲٥) سزای سێدارەی دوو بەندکراوی کورد بەناوەکانی “شەماڵ محەمەد ڕەشید و ئەردەڵان حوسێن عەلی”خەڵکی هەرێمی کوردستانی عێراق و دانیشتووی ئەسفەهان، لە بەندیخانەی ناوەندی ئەسفەهان جێبەجێ کراوە.
بە گوێرەی زانیاری سەرچاوەکانی هانا، ئەردەڵان حوسێن عەلی و شەماڵ محەمەد ڕەشید، سێ ساڵ لەمەوبەر بە تۆمەتی ئەنجامدانی تاوانەکانی پەیوەندیدار بە “مادە هۆشبەرەکان” لە لایەن هێزە ئەمنیەکانەوە دەستبەسەر و دواتر لە لایەن دەسەڵاتی دادوەری کۆماری ئیسلامی ئێرانەوە سزای سێدارەیان بە سەردا سەپێندرابوو.