ڕۆژی چوارشەممە ١ی ڕەشەمەی ١٤٠٣ ، بنەماڵە و بەشێک لە خەڵکی دیواندەرە ڕێورەسمێکیان بە بۆنەی ساڵوەگەڕەی لە دایکبوونی فواد قەدیمی لە گیانبەختکردووانی بزووتنەوەی #ژن_ژیان_ئازادی بەڕێوەبرد .
فواد قەدیمی شارۆمەندی خەڵکی دیواندەرە ڕۆژی دووشەممە ٢٨ی خەرمانانی ١٤٠١ ، لە جەریانی ناڕەزایەتیەکانی ئەو ساڵە لە شاری دیواندەرە بە تەقەی ڕاستەوخۆی هێزە سەرکوتگەرەکانی کۆماری ئیسلامی بریندار بوو و دوای دوو ڕۆژ بە هۆی سەختی برینەکانیەوە لە نەخۆشخانەی کەوسەری سنە گیانی لە دەستدا .
فواد قەدیمی لە دایکبوونی ١ی ڕەشەمەی ١٣٦١ بوو و بنەماڵە و کەسوکاری دوای تێپەڕ بوونی دوو ساڵ بە سەر گیانبەختکردنیدا ئەم ڕێوڕەسمەیان بەڕێوە برد .
ئامادە بووانی ئەم مەراسیمە بە هەڵکردنی مۆم ، پێشکەشکردنی گوڵ و خوێندنی شیعر یادی فواد قەدیمییان بە زیندوویی هێشتەوە .