بە پێی ڕاپۆرتی گەیشتوو بە رێکخراوی مافی مرۆڤی هانا: زیاتر لە ٢٠ ڕۆژە پویا حەبیبی چالاکی ژینگە پارێزی و ئەندامی ئەنجومەنی (کۆمەڵەی سەوزی کوردستان) خەڵکی شاری سنە بە شێوەی سەرەڕۆیانە دەستبەسەر کراوە بەڵام تا ئێستا هیچ زانیاریەک لە سەر بار و دۆخ و شوێنی ڕاگیرانی لە بەردەستدا نیە و ئەم دۆخەش نیگەرانی قوڵی بنەماڵە و کەسوکارەکەی لێکەوتووەتەوە.
بە گوێرەی زانیاری سەرچاوەکانی هانا، ئەم شارۆمەندە لە رێکەوتی ١٢ی خەزەڵوەری ١٤٠٤، بە شێوەی سەرەڕۆیانە و بەبێ بڕیاری دادوەر لە لایەن هێزێکی ئەمنیەوە لە شوێنی کارەکەی دەستبەسەر کراوە و دواتر بۆ شوێنێکی نادیار ڕاگوێزاوە.
تا ساتی بڵاو بوونەوەی ئەم هەواڵە لە سەر هۆکاری دەستبەسەر کران و ئەو تۆمەتانەی خراونەتە پاڵ ئەم چالاکی ژینگە پارێزیە هیچ جۆرە زانیاریەک لە بەردەستدا نیە.