لە درێژەی شەپۆلی دەستبەسەر کردنەکان لە مەهاباد دوو شارۆمەندی دیکە لە لایەن هێزە ئەمنییەکانەوە دەستبەسەر و بۆ شوێنێکی نادیار ڕاگوێزران .
بە پێی ڕاپۆرتی گەیشتوو بە هانا : سەر لە بەیانی ئەمڕۆ شەممە ٣١ی جۆزەردانی ١٤٠٤، دوو شارۆمەند بە ناوەکانی “شاهۆ محەمەدی و سۆران سەفەری” خەڵکی مەهاباد ، بە شێوەی خۆسەرانە لە لایەن هێزە ئەمنییەکانەوە دەستبەسەر کراون .
شایانی باسە ، لە ماوەی سێ ڕۆژی ڕابردوو تا ئێستا لانیکەم ٩ شارۆمەندی مەهابادی بە هۆکاری نادیار و بە شێوەی خۆسەرانە دەستبەسەر و بۆ شوێنێکی نادیار ڕاگوێزراون .