بە پێی ئەو ڕاپۆرتانەی کە بە رێکخراوی مافی مرۆڤی هانا گەیشتووە : ڕۆژی هەینی ١٣ی پوشپەڕی ١٤٠٤، کۆڵبەرێکی خەڵکی بۆکان بە ناوی “رزگار محەمەدی” تەمەن ٤٢ ساڵ و خێزاندار ، لە سنووری هەنگەژاڵی بانە بە تەقەی ڕاستەوخۆی هێزە نیزامییەکان بە سەختی بریندار بووە .
بە پێی ئەم ڕاپۆرتە ؛ ئەم کۆڵبەرە دوای بریندار بوونی بە مەبەستی وەرگرتنی چارەسەری پزیشکی بۆ نەخۆشخانەیەک لە شاری سنە ڕاگوێزراوە .
شایانی باسە کۆڵبەری یەکێکە لە مەترسیدارترین و سەختترین کارەکان لە ناوچە سنووریەکانی کوردستان و خەڵک بە هۆی هەژاری و گوشاری توندی ئابوری و نەبوونی هەلی کار ڕوو لەم کارە مەترسیدارە دەکەن .