بە پێی ڕاپۆرتی گەشتوو بە رێکخراوی مافی مرۆڤی هانا: ڕۆژی شەممە ١٨ی گەلاوێژی ١٤٠٤، کۆڵبەرێکی لاو بە ناوی رەحیم ئەحمەدی، خێزاندار، باوکی دوو منداڵ ، خەڵکی بانە، لە ئەنجامی تەقەی هێزە چەکدارەکانی کۆماری ئیسلامی ئێران ، لە سنووری “زلە”ی ئەم شارە بە سەختی بریندار بووە.
بە گوێرەی زانیاری سەرچاوەکانی هانا؛ هێزە چەکدارەکان بەبێ ئاگادار کردنەوەی پێشوەختە تەقەیان لەم کۆڵبەرە کردووە و لە ئەنجامی ئەم تەقە کردنە قاچی بە سەختی بریندار بووە و بە مەبەستی وەگرتنی چارەسەری پزیشکی ڕەوانەی نەخۆشخانەی بانە کراوە.