چوار ئەندامی ئەنجومەنی سنفی مامۆستایانی سنە بە ناوەکانی لوقمان ئەفزەلی، سەلاح حاجی میرزایی، مەجید کەریمی و نەسرین کەریمی لە لایەن ئیتڵاعاتی هێزی ئینتیزامیەوە بانگ و هەڕەشەیان لێکراوە.
هانا زانیویەتی ڕۆژی پێنج شەممە ٦ی خەرمانانی ۱٤۰٤ چوار ئەندامی ئەنجومەنی سنفی مامۆستایان لە سنە بە ناوەکانی لوقمان ئەفزەلی، سەلاح حاجی میرزایی، مەجید کەریمی و نەسرین کەریمی لە لایەن بەشی ئیتڵاعاتی هێزی ئینتیزامی بانگ و هەڕەشەیان لێکراوە.
بە پێی ئەو زانیاریانەی کە بە هانا گەشتووە، ئەم بانگ کردنە بە هۆکاری بانگەوازی کۆمیتەی خەڵکی پشتیوانی لە مامۆستایان بۆ بەڕێوەچوونی ڕێپێوانی پشتیگیری لە مامۆستایانی دەرکراو لە سنە ئەنجامدراوە.
شایانی باسە ڕۆژی هەینی ٧ی خەرمانانی ١٤٠٤، ئەم ناڕەزایی دەربڕینە لە ئاویەر بە بەشداری و ئامادەبوونی شارۆمەندانی سنەیی و چالاکانی مەدەنی بەڕێوەچوو و ئامادەبووان بە خوێندنەوەی بەیاننامە و بە وتنەوەی دروشم جەختیان لەسەر مافە ڕەواکانی مامۆستایانی دەرکراو کردەوە.