رێکخراوی مافی مرۆڤی هانا ئاگادار کراوەتەوە کە ڕۆژی شەممە ٣ی خەزەڵوەری ١٤٠٤(٢٤ی ئۆکتۆبری ٢٠٢٥) لە ئەنجامی تۆپ باران کردنی ناوچە سنووریەکانی شاری مەریوان لە لایەن سوپای پاسدارانەوە بەشێکی بەرچاوی دارستانەکان سوتاون و ئاگرەکە تا ئێستا بەردەوامە.
بە گوتەی سەرچاوەیەکی ئاگادار، ئەم هێرشە تۆپخانەییە بە بیانوی بە ئامانج کردنی حزبە کوردستانیەکانی دژی حکومەت ئەنجام دراوە و دارستانەکانی سپی خانی چنارەی سەر بە قەزای سەرشیوی شاری مەریوانی سوتاندووە.
ئەم کارە نیزامیە سەرەڕای ئیدیعای دابین کردنی ئاسایشی سنوورەکان، ژینگە و دارستانەکانی ناوچەکەی لەناو بردووە.