بە پێی ئەو زانیارییانەی کە بە رێکخراوی مافی مرۆڤی هانا گەیشتووە، بەرەبەیانی شەممە ٢٤ی گەلاوێژی ١٤٠٥، ئەمیر سلێمانی تەمەن ٤٤ ساڵ، خێزاندار و باوکی دوو منداڵ، خەڵکی ئاوایی “خوڕخوڕە”ی سەر بە ناوچەی شاروێران لە مەهاباد، لە لایەن هێزە ئەمنییەکانەوە دەستبەسەر و بۆ شوێنێکی نادیار ڕاگوێزراوە.
بە گوێرەی زانیارییەکانی هانا، هێزە ئەمنییەکان هەڵیانکوتاوەتە سەر ماڵی ئەم شارۆمەندە و بە شێوەی سەرەڕۆیانە دەستبەسەریان کردووە.
ئەمیر سلێمانی لە ئەندامانی بنەماڵەی چالاکانی سیاسی دەرەوەی وڵاتە و دەبێتە برای حسام سلێمانی چالاکی سیاسی دانیشتوویی دەرەوەی وڵات.
شایانی باسە، تا ساتی بڵاو بوونەوەی ئەم ڕاپۆرتە، لە سەر هۆکری دەستبەسەرکران و ئەو تۆمەتانەی دراونەتە پاڵ ئەم شارۆمەندە هیچ جۆرە زانیارییەک لە بەردەستدا نیە.
هەروەها ئەو لە کاتی دەستبەسەرکرانیەوە تا ئێستا لە مافی دەستڕاگەیشتن بە پارێزەر. پەیوەندی تەلەفۆنی و چاوپێکەوتنی بنەماڵەکەی بێبەش کراوە.