ڕەزا کازمی، لاوی تەمەن ۲۲ ساڵ و خەڵکی شاری موچش لە نزیکی شاری کامیاران، لە جەریانی ناڕەزایەتیە سەرتاسەریەکان لە دژی قەتڵی حکومەتی ژینا ئەمینی، لە ڕێکەوتی ۳۰ی خەزەڵوەری ۱٤۰۱، لە کاتێکدا کە خۆی و هاوڕێکانی لە ڕێگادا بوون بۆ گەڕاندنەوەی دایکی یەکێکیان لە ئاوایی محەمەدئاوا بۆ موچش بە تەقەی هێزە سەرکوتکەرەکانی کۆماری ئیسلامی ئێران بە سەختی بریندار بوو.
ئەو بۆ نەخۆشخانەی “کەوسەر” لە شاری سنە ڕاگوێزرا و بە هۆی سەختی برینەکانییەوە لە ڕێکەوتی ٦ی سەرماوەزی ١٤٠۱ گیانی لە دەستدا.