بە پێی ڕاپۆرتی گەیشتوو بە ڕێکخراوی مافی مرۆڤی هانا: دۆخی تەندروستی “تاهیر سارلی”زیندانی سیاسی تورکەمەن لە زیندانی گۆنبەد زۆر ناجێگیرە.
بە پێی ئەم ڕاپۆرتە؛ ناوبراو ڕۆژی ۱٤ی گەلاوێژی ۱٤۰٤ بە هۆکاری گرتنی کۆمەڵێک هەڵوێستی ڕەخنەگرانە لە تۆڕە کۆمەڵایەتییەکان دژی سیاسەتەکانی حکومەت لە تورکەمەن سەحرا، لە تاران دەستبەسەر و دواتر بۆ زیندانی گۆنبەد ڕاگوێزاوە.
ئەم زیندانییە سیاسیە لە نویەمین ڕۆژی مانگرتن لە خواردنی ئاو، خواردن و دەرمان دایە و بە هۆکاری بارودۆخی جەستەی تایبەت، دۆخەکەی نالەبار ڕاگەینداوە.
تاهیر سارلی نەخۆشی شەکرەی هەیە و پێویستە بەردەوام ئەنسۆلین بە کار بهێنێت، هەروەها پێشینەی جەڵتەی هەیە و نەخۆشی شێرپەنجەی پڕۆستاتی هەیە.
بێبەشکرانی ئەو لە خزمەتگوزاری پزیشکی گیانی خستوەتە بەردەم مەترسیەوە.
تاهیر سارلی پێشتر لە سەر داواکاری گشتی گۆنبەد، لێکۆڵەر سەعیدی و دادوەر قزل سفلو لای دادسەرای باڵای دادوەرانی وڵات سکاڵای تۆمار کردووە، بەڵام تا ئێستا دیار نییە کە سکاڵاکەی لە لایەن بەرپرسانی زیندانەوە نێردرابێت و و دادستانی تا ئەم ساتە وڵامی ناڕزایەتی و مانگرتنی ئەوی نەداوەتەوە.
ڕێکخراوی مافی مرۆڤی هانا وێڕای دەربڕینی نیگەرانی لە سەر دۆخی جەستەی و گیانی ئەم زیندانییە سیاسیە، داوا لە بەرپرسانی دادوەری و ئەمنیی ئێران دەکات کە بەپەلە بۆ بنکەکانی تەندروستی ڕایگوێزن.